ဟာလန်းက ကမ္ဘာ့အကောင်းဆုံး တိုက်စစ်မှူးဖြစ်နေပြီလား ... ?

ဒေးဗစ်ဗီလာနဲ့တော့ရက်စ်တိုခေတ်ပြီးနောက် စပိန်တိုက်စစ်ရဲ့ အသက်ဖြစ်လာတဲ့ အိုယာဇဘယ်

စပိန်လက်ရွေးစင်အသင်းရဲ့ အထောင်တိုက်စစ်မှူးနေရာဟာ ဒေးဗစ် ဗီလာ (David Villa) နှင့် ဖာနန်ဒို တောရက်စ် (Fernando Torres) တို့ ခေတ်ကုန်သွားပြီးနောက်ပိုင်း အားကိုးအားထားပြုရသူ မရှိသလောက် ဖြစ်ခဲ့ပါတယ်။ အာလ်ဗာရို မိုရာတာ (Álvaro Morata) ရှိခဲ့တယ်ဆိုပေမယ့်လည်း ပြောစမှတ်တွင်လောက်အောင် ထင်ရှားခြင်း မရှိ ခဲ့တာပါ။ ဒါပေမယ့် ယခုအချိန် စပိန်တိုက်စစ်မှူးတေွရဲ့ စစ်မှန်တဲ့ခေတ်ကို ပြန်လည်ရောက်ရှိလာချိန်မှာ မီခေးလ် အိုယာဇဘယ် (Mikel Oyarzabal)ဟာ စပိန်အတွက် အကောင်းဆုံး မျှော်လင့်ချက် ဖြစ်လာခဲ့တာတွေ့ရပါတယ်။ ⭐️ ဆိုစီဒက်မှ ထွန်းတောက်လာတဲ့ ကြယ်ပွင့်တစ်ပွင့် အသက် ၂၈ နှစ်အရွယ် စပိန်သား အိုယာဇဘယ်ဟာ ထိပ်တန်း ကလပ်ကြီးတစ်ခုရဲ့ ကစားသမား မဟုတ်ဘဲ၊ ရီးယဲလ် ဆိုစီဒက် (Real Sociedad) အသင်းမှာသာ ကစားနေသူပါ။ ဒါပေမယ့် သူ့ရဲ့ လက်ရွေးစင်အသင်းအတွက် ခြေစွမ်းတွေကတော့ တကယ့်ကိုအထင်ကြီးစရာ ကောင်းလောက်အောင် ခြေစွမ်းပြသထားနိုင်ခဲ့တာတွေ့ရမှာပါ။ အိုယာဖယယ်ဟာ စပိန်အသင်းအတွက် နောက်ဆုံး ကစားခဲ့တဲ့ ၉ ပွဲဆက်တိုက်မှာ ၉ ဂိုး သွင်းယူခဲ့သလို ၆ ကြိမ်ထိ ဂိုးဖန်တီးမှု ပြုလုပ်ထားပြီး ဒီအထဲမှာလည်း ဟက်ထရစ် ဖန်တီးမှု ၁ ကြိမ် ပါဝင်ခဲ့ပါတယ်။ ပွဲကြီးပွဲကောင်းတွေမှာဆိုရင်လည်း ကောင်းမွန်စွာ စွမ်းဆောင်နိုင်သူဖြစ်ပြီး၊ လက်ရှိ စပိန်တိုက်စစ်ကို ဦးဆောင်နေသူဖြစ်ပြီး သူလုပ်ပြထားတာတွေဟာဆိုရင် အထင်ကြီးဖို့ကောင်းပါတယ်။ မိုရာတာ ခေတ်နှင့် မတူညီဘဲ၊ အိုယာဇဘယ်ဟာ ပရိသတ်တွေကို မတူညီတဲ့ရင်ခုန်စိတ်လှုပ်ရှားမှုမျိုးကို ပေးစွမ်းနိုင်ခဲ့တာပါ။ သေချာတာကတော့ လာမည့် ကမ္ဘာ့ဖလား (World Cup) ပြိုင်ပွဲမှာ အရွယ်လည်း တည်ငြိမ်မှုရှိနေတဲ့ အိုယာဇဘယ်ဟာ စပိန်အသင်းရဲ့ တိုက်စစ်မြှားဦးမှာ အသင်းအတွက် များစွာအကျိုးပြုပေးနိုင်မှာလည်းဖြစ်ပါတယ်။

ဇန်နဝါရီမှာ ဂူယီကိုခေါ်ယူဖို့ လီဗာပူးလ်တစ်သင်းသာ ရှိနိုင်ဖွယ်ရှိနေ

ခရစ္စတယ်လ်ပဲလေ့စ်အသင်းဟာ သူတို့အသင်းရဲ့ အင်္ဂလန်နောက်ခံလူ မာ့ခ် ဂူဟီ (Marc Guehi) ကို လာမည့်ဇန်နဝါရီအပြောင်းအရွှေ့ကာလမှာ လီဗာပူးလ်တစ်သင်းတည်းကိုသာ ခေါ်ယူရန် ကြိုးပမ်းနိုင်ဖို့ ယုံကြည်ထားကြောင်း Sky Sports က ဖော်ပြလာခဲ့ပါတယ်။ အင်္ဂလန်လက်ရွေးစင်နောက်ခံလူ ဂူဟီရဲ့ လက်ရှိစာချုပ်ဟာ လာမည့်နွေရာသီမှာ ကုန်ဆုံးမည်ဖြစ်တာကြောင့်၊ အလွတ်ပြောင်းရွှေ့ကြေး ကစားသမား (free agent) အဖြစ် အခြားကလပ်တစ်သင်းသင်းကို ပြောင်းရွှေ့နိုင်မှာလည်းဖြစ်ပါတယ်။ ပဲလေ့စ်အသင်းအနေနဲ့ လာမယ့်ဇန်နဝါရီမှာ ဂူယီကို ရောင်းချမှသာ ပြောင်းရွှေ့ကြေး တစ်ခုခု ရရှိမှာ ဖြစ်ပြီး၊ လီဗာပူးလ်အသင်းက သူ့ကို လက်ရှိအခြေအနေမှာဝယ်ယူနိုင်ဖို့ တစ်သင်းတည်းသောကလပ်ဖြစ်လာနိုင်တယ်လို့ ယူဆထားတာပါ။ ဂူယီဟာ လက်ရှိပရီးမီးယားလိဂ်ရဲ့ အကောင်းဆုံး နောက်ခံလူတွေထဲမှ တစ်ဦးဖြစ်ပြီး၊ လီဗာပူးလ်အသင်းကလည်း နောက်ခံလူအင်အားဖြည့်တင်းရန် မဖြစ်မနေလိုအပ်နေတာကြောင့် ဂူဟီကို အပြင်းအထန် ပစ်မှတ်ထားနေတာလည်းဖြစ်ပါတယ်။ ဂူယီကို စိတ်ဝင်စားတဲ့ ဥရောပထိပ်တန်း ကလပ်များစွာရှိနေပေမယ့်လည်း၊ လီဗာပူးလ်ရဲ့ အာနေး ဆလော့တ်လက်အောက်မှာ ရေရှည်ပရောဂျက်နှင့်ချန်ပီယံလိဂ် ကစားခွင့် ရှိနေခြင်းတွေက ဂူဟီကို ဆွဲဆောင်နိုင်ဖွယ် ရှိနေတာလည်ဖြစ်ပါတယ်။ (Source: Sky Sports)

လီဗာပူးလ်အသင်းမှာသာ ဆက်ရှိဖို့ သေချာသလောက်ရှိနေတဲ့ ဂရာဗင်ဘက်ချ်

လီဗာပူးလ်ကွင်းလယ်လူ ရိုင်ယန် ဂရာဗင်ဘတ်ချ် (Ryan Gravenberch)ကတော့ ကလပ်အသင်းနှင့် ၂၀၃၀ (သို့မဟုတ်) ၂၀၃၁ ခုနှစ်အထိ သက်တမ်းရှိတဲ့စာချုပ်သစ်ချုပ်ဆိုရန် ပိုမိုနီးစပ်လာနေ ကြောင်း နောက်ဆုံး Report တွေအရ သိရှိရပါတယ်။ ဂရာဗင်ဘတ်ချ်ဟာ ပြီးခဲ့တဲ့နွေရာသီအပြောင်းအရွှေ့ကာလမှာ ဆော်ဒီအာရေဗျ (Saudi Arabia)ကလပ်တွေကနေ ကြီးမားတဲ့ကမ်းလှမ်းမှုတစ်ခုကို ရရှိထားပြီးကစားသမားဘက်က ဒီကမ်းလှမ်းမှု့ကို ငြင်းပယ်ခဲ့တာဖြစ်တယ်လို့လည်း သိရပါတယ်။ ဂရာဗင်ဘက်ချ်ကတော့ လီဗာပူးလ်အသင်းမှာသာ သူ့ရဲ့ အနာဂတ်ကို ပိုမိုအာရုံစိုက်ထားပြီး နည်းပြအာနေးဆလော့တ်ရဲ့ လက်အောက်မှာ အရေးပါတဲ့ ကစားသမားအဖြစ် ပြီးခဲ့တဲ့ရာသီက အထူးအောင်မြင်ခဲ့တဲ့ရာသီ (breakthrough season) ဖြစ်ခဲ့ပြီး အသင်းရဲ့ ပထမဦးစားပေးကစားသမားလည်းဖြစ်ခဲ့ပါတယ်။ နည်းပြအာနေးဆလော့တ် လက်အောက်မှာ လီဗာပူးလ်ရဲ့ ကစားဟန်အတွက် အရေးပါတဲ့ အခန်းကဏ္ဍကနေ မရှိမဖြစ်ကစားသမားတစ်ဦးအဖြစ်လည်း ပါဝင်ခဲ့သူဖြစ်ပါတယ်။ သူ့ရဲ့ အကောင်းဆုံး ခြေစွမ်းကို လီဗာပူးလ်အသင်းမှာသာ ဆက်လက်ပြသရန် ရွေးချယ်လိုက်တာဖြစ်ပြီး၊ စာချုပ်သစ်ဟာ ကလပ်အတွက် ရေရှည် အစီအစဉ်တစ်ရပ် ဖြစ်လာမှာလည်းဖြစ်ပါတယ်။ (Source: @NicoSchira)

တော်မီနေးကို စံချိန်တင်ပြောင်းရွေ့ကြေးနဲ့ ကမ်းလှမ်းသွားဖို့ ပြင်ဆင်နေတဲ့ အဲဗာတန်

အဲဗာတန်အသင်းကတော့ နာပိုလီအသင်းရဲ့ အဓိကကစားသမား စကော့မက်တွမ်မီနေး (Scott McTominay) ကို ၂၀၂၆ ခုနှစ်မှာ ပေါင် ၆၂ သန်း (£62M) တန်ဖိုးရှိတဲ့ ကမ်းလှမ်းမှုနဲ့ ကလပ်သမိုင်းတစ်လျှောက် အစျေးအကြီးဆုံး ခေါ်ယူမှုအဖြစ် ပြုလုပ်သွားရန် ဆန္ဒရှိနေကြောင်း သိရှိရပါတယ်။ စကော့တလန်သားနည်းပြ ဒေးဗစ် မိုယက်စ် (David Moyes) ကလည်း သူ့ရဲ့ နိုင်ငံသားဖြစ်သူ မက်တွမ်မီနေးကို အထူးသဖြင့်စိတ်ဝင်စားနေပြီး သူ့ရဲ့ အသင်းထံ မက်တွမ်မီနေးကို ဗဟိုပြုပြီး တည်ဆောက်ရန် ရည်ရွယ်ထားတာဖြစ်တယ်လို့လည်း သိရပါတယ်။ မိုယက်စ်ရဲ့ စိတ်ကူးထားတဲ့ အစီအစဉ်ကတော့ တောင်ပံနေရာတွေဖုစ်တဲ့ ဂျက် ဂရီးလစ်ရှ် (Jack Grealish) နှင့် အီလီမန် အန်ဒီယေး (Iliman Ndiaye) တို့ ပါဝင်မှာဖြစ်ပြီး၊ မက်တွမ်မီနေးရဲ့ ကွင်းလယ် စွမ်းဆောင်ရည်ကို အပြည့်အဝ အသုံးပြုဖို့ ရည်ရွယ်ထားတာပါ။ မက်တွမ်မီနေးကိုခေါ်ယူရမယ့် ပေါင် ၆၂ သန်းဟာ အဲဗာတန်အသင်းရဲ့ အမြင့်ဆုံး ပြောင်းရွှေ့ကြေး စံချိန်ကို ကျော်လွန်သွားစေမှာလည်းဖြစ်ပါတယ်။ အဲဗာတန်အသင်းအနေနဲ့ ၂၀၂၆ ခုနှစ်မှာ သူ့တို့အသင်းရဲ့ ကွင်းလယ်ကို အကြီးအကျယ်ပြင်ဆင်သွားဖို့ရှိနေပြီး နာပိုလီရဲ့ တောင်းဆိုမှုကိုလည်း ဖြည့်ဆည်းနိုင်ဖို့ ရည်ရွယ်ထားတာဖြစ်ပါတယ်။

ရူဒီဂါကို အသင်းထံပြန်လည်ခေါ်ယူချင်နေတဲ့ ချဲလ်ဆီးအသင်း

ချယ်လ်ဆီးအသင်းကတော့ လက်ရှိရီးယဲလ်မက်ဒရစ် အသင်းမှာ နေရာမရ ဖြစ်နေတဲ့ နောက်ခံလူ အန်တိုနီယို ရူဒီဂါ (Antonio Rüdiger)ကို လန်ဒန်ကိုပြန်လည်ခေါ်ဆောင်ရန် တွန်းအားပေး လုပ်ဆောင်နေ ကြောင်းနောက်ဆုံး Report တွေအရသိရပါတယ်။ အသင်းရဲ့ ခံစစ်ပိုင်းခက်ခဲနေတဲ့အချိန်မှာ စံနမူနာပြကစားသမားအဖြစ်နဲ့ရော ခေါင်းဆောင်မှု ပေးနိုင်ရန်အတွက်ပါရည်ရွယ်ပြီး အတွေ့အကြုံရှိတဲ့ ခံစစ်ကစားသမားတစ်ဦးကို အလိုရှိနေတာဖြစ်တယ်လို့လည်းသိရပါတယ်။ ချဲလ်ဆီးအသင်းဟာ ရူဒီဂါကို အသက် ၃၅ နှစ်မှ ချယ်လ်ဆီးကို ရောက်ရှိလာခဲ့ဖူးတဲ့ သီယာဂို ဆေးလ်ဗား (Thiago Silva)ရဲ့ အခန်းကဏ္ဍမျိုးနဲ့ အသုံးပြုချင်နေတာပါ။ ရီးယဲလ်မက်ဒရစ်အသင်းမှာလည်း နေရာရဖို့ ရုန်းကန်နေရတဲ့ ရူဒီဂါအတွက် ချယ်လ်ဆီးအသင်းရဲ့ စိတ်ဝင်စားမှုဟာ အပြောင်းအရွှေ့တစ်ခုအတွက် အခွင့်အလမ်းကောင်း ဖြစ်လာနိုင်ပြီးအပြောင်းအရွှေ့ကို စတင်ဆွေးနွေးလာဖွယ်ရှိနေတာလည်းဖြစ်ပါတယ်။ (Source: Fichajes)

၂၀၂၆ ကမ္ဘာ့ဖလားဝင်ခွင့်ရ ၄၂သင်းနဲ့ Play Off ကစားရမယ့် အသင်းများ

၂၀၂၆ ခုနှစ်မှာကျင်းပမယ့် ကမ္ဘာ့ဖလား (World Cup) ဘောလုံးပြိုင်ပွဲကြီးအတွက် ခြေစစ်ပွဲကိုအောင်မြင်စွာဖြတ်ကျော်ပြီး ဝင်ခွင့်ရရှိပြီးတဲ့ နိုင်ငံအသင်း ၄၂သင်းရဲ့ စာရင်းကို ဖော်ပြပေးလိုက်ပါတယ်။ ✅ ကမ္ဘာ့ဖလားဝင်ခွင့်ရ အသင်းတွေရဲ့ (Qualified Teams) တိုက်ကြီးနဲ့နိုင်ငံအသင်းများ_ မြောက်အမေရိကတိုက်က (CONCACAF) _ ၃ သင်း ကနေဒါ (Canada) မက္ကဆီကို (Mexico) အမေရိကန် (United States) အာရှတိုက်က (AFC)_၈ သင်း ဂျပန် (Japan) နယူးဇီလန် (New Zealand) အီရန် (Iran) ဥဇဘက်ကစ္စတန် (Uzbekistan) တောင်ကိုရီးယား (South Korea) ဂျော်ဒန် (Jordan) သြစတြေးလျ (Australia) ကာတာ (Qatar) တောင်အမေရိကတိုက်က (CONMEBOL)_ ၆သင်း အာဂျင်တီးနား (Argentina) ဘရာဇီးလ် (Brazil) အီကွေဒေါ (Ecuador) ဥရုဂွေး (Uruguay) ပါရာဂွေး (Paraguay) ကိုလံဘီယာ (Colombia) အာဖရိကတိုက် (CAF)_၉သင်း မော်ရိုကို (Morocco) တူနီးရှား (Tunisia) အီဂျစ် (Egypt) အယ်လ်ဂျီးရီးယား (Algeria) ဂါနာ (Ghana) ကိပ်ဗာဒီ (Cape Verde) တောင်အာဖရိက (South Africa) အိုင်ဗရီကို့စ် (Ivory Coast) ဆီနီဂေါ (Senegal) ဥရောပတိုက် (UEFA)_၁၂ သင်း အင်္ဂလန် (England) ပြင်သစ် (France) ခရိုအေးရှား (Croatia) ပေါ်တူဂီ (Portugal) နော်ဝေ (Norway) ဂျာမနီ (Germany) သြစတြီးယား(Austria) နယ်သာလန်(Netherlands) ပေါ်တူဂီ (Portugal) စပိန်(Spain) စကော့တလန် (Scotland) ဆွတ်ဇာလန်(Switzerland) Concacaf _၃ သင်း ကူရာဆောင်း (Curaçao) ဟေတီ (Haiti) ပနားမား (Panama) အိုရှန်းနီးယာ(Oceania) တစ်သင်း : နယူးဇီလန် (New Zealand) ဒီအသင်းတွေဟာ ၂၀၂၆ ကမ္ဘာ့ဖလား ပြိုင်ပွဲကြီးကို နောက်ဆုံးအဆင့် တက်ရောက်ခွင့် သေချာစွာ ရယူထားနိုင်ခဲ့တဲ့ ၄၂ အသင်းလည်းဖြစ်ပါတယ်။ 🔢ကျန်ရှိသော နေရာများနှင့် Play-off ပွဲများ ကမ္ဘာ့ဖလားပြိုင်ပွဲအတွက် ဝင်ခွင့် ၆ နေရာသာ ကျန်ရှိတော့ပြီး၊ ဥရောပရဲ့ နောက်ဆုံး ၄ နေရာနှင့် တိုက်ကြီးတွေကြား Play-off ကနေ ၂ နေရာအတွက် ပြိုင်ဆိုင်မှု့တွေ ဆက်လက် ရှိနေအုံးမှာလည်းဖြစ်ပါတယ်. ဥရောပ Play-off: ဒုတိယနေရာ ရရှိသူများ (Nations League မှ ထိပ်ဆုံး ၄ သင်း)ဟာ ၂၀၂၆ ခုနှစ် မတ်လမှာ ကျင်းပမည့် Play-offကနေ ဥရောပရဲ့ နောက်ဆုံး ၄ နေရာအတွက် ယှဉ်ပြိုင်ရမှာဖြစ်ပါတယ်။ တိုက်ကြီးတွေရဲ့ Play-off (၂ နေရာ): ဘိုလီဗီးယား၊ ဒီမိုကရက်တစ် ကွန်ဂို၊ အီရတ်၊ ဂျမေကာ၊ နယူး ကယ်လီဒိုးနီးယားနှင့် ဆူရီနမ် တို့၆သင်းကတော့ နောက်ဆုံး ၂ နေရာအတွက် ယှဉ်ပြိုင်ကြရဦးမှာလည်းဖြစ်ပါတယ်။

စည်းကမ်းတွေနဲ့ ပရီးမီးယာလိပ်ပွဲစဥ်တွေ ကြည့်ရှု့နေရတဲ့ မြောက်ကိုရီးယားနိုင်ငံ

မြောက်ကိုရီးယားခေါင်းဆောင် ကင်ဂျုံအန်း (Kim Jong-un)ကတော့ သူ့ရဲ့ နိုင်ငံအတွင်းမှာ ပရီးမီးယားလိဂ် (Premier League) ဘောလုံးပွဲစဥ်တွေကို ထုတ်လွှင့်ပြသရန် သဘောတူညီခဲ့ပေမယ့်လည်း တင်းကြပ်လွန်းတဲ့ စည်းကမ်းသတ်မှတ်ချက်တွေအောက်မှာသာ ခွင့်ပြုပေးသွားမည်ဖြစ်ကြောင့်သိရရှိပါတယ်။ 📺 ထုတ်လွှင့်မှုဆိုင်ရာ အဓိကစည်းကမ်းများ မြောက်ကိုရီးယား ပြည်သူတွေဟာ ပရီးမီးယားလိဂ်ပွဲတွေကို ပုံမှန်အတိုင်း ကြည့်ရှုနိုင်မည် မဟုတ်ဘဲ၊ ပြုပြင်တည်းဖြတ်ပြီးမှသာ ကြည့်ရှုနိုင်မှာဖြစ်ပါတယ်။ တိုက်ရိုက် ထုတ်လွှင့်ခြင်း မပြုရ : ဘောလုံးပွဲစဉ်တွေကို တိုက်ရိုက်ထုတ်လွှင့်ခွင့် ပေးမည် မဟုတ် ဘဲ၊ ထုတ်လွှင့်ပြသခြင်း မပြုမီ ပြန်လည် တည်းဖြတ်ခြင်း (re-edited) ပြုလုပ်ရမည်။ ပွဲချိန် လျှော့ချခြင်း : ပွဲစဉ်တစ်ပွဲရဲ့ ပုံမှန်မိနစ် ၉၀ ပွဲချိန်အစား မိနစ် ၆၀အထိ လျှော့ချ ထုတ်လွှင့် ရမည်။ ✂️ အာရုံခံစားမှုဆိုင်ရာ ဖြတ်တောက်မှုများ မြောက်ကိုရီးယားရဲ့ နိုင်ငံရေးနှင့်လူမှုရေး စံနှုန်းတွေနှင့် ကိုက်ညီစေရန်အတွက် အောက်ပါ အချက်တွေကိုလည်း တင်းတင်းကျပ်ကျပ် တည်းဖြတ်ရမယ်လို့လည်းဆိုခဲ့ပါတယ်။ အင်္ဂလိပ်စာသားတွေ ဖုံးအုပ်ခြင်း : ကစားကွင်းအတွင်း မြင်တွေ့ရမယ့် အင်္ဂလိပ်စာသားတွေအားလုံး ကို မြောက်ကိုရီးယား ဂရပ်ဖစ်တွေနဲ့ ဖုံးအုပ် ထားရမည်။ တောင်ကိုရီးယား ကစားသမားတွေ ဖယ်ရှားခြင်း : ပွဲစဉ်ထဲမှာ တောင်ကိုရီးယား (South Korean) ကစားသမားတွေ ပါဝင်တဲ့ ပုံရိပ်တွေ၊ မြင်ကွင်းတွေ အားလုံးကို လုံးဝ ဖယ်ရှားရမည်။ ဖယ်ရှားရမည့် ကစားသမားများမှာ- ဘရန့်ဖို့ဒ် (Brentford) အသင်းမှ ကင်မ် ဂျီဆူး (Kim Ji-soo)နဲ့ ဝုလ်ဗ် (Wolves)အသင်းမှ ဟွမ်းမ် ဟီးချန် (Hwang Hee-chan) တို့ပဲဖြစ်ပါတယ်။ LGBTQ+ သင်္ကေတများ ဖယ်ရှားခြင်း: LGBTQ+ သင်္ကေတတွေ ပြသနေတဲ့ မြင်ကွင်းများ၊ အမှတ်အသားများ အားလုံးကိုလည်း တည်းဖြတ် ဖယ်ရှားရမည်။ ဆိုတဲ့ စည်းကမ်းချက်တွေ အောက်မှာသာ ထုတ်လွင့်ပြသသွားရမှာဖြစ်ပါတယ်။ ယခုလိုတင်းကြပ်တဲ့ ကန့်သတ်ချက်တွေအောက်မှာ မြောက်ကိုရီးယား ပရိသတ်တွေဟာ မူရင်းအတိုင်း မဟုတ်ဘဲ ပြုပြင်တည်းဖြတ်ထားတဲ့ ပရီးမီးယားလိဂ်ပွဲစဉ်တွေကိုသာ ကြည့်ရှုခွင့် ရရှိတော့မှာလည်းဖြစ်ပါတယ်။

လီဗာပူးလ်အသင်းကို နောင်တရစေခဲ့သူ (သို့) လူးဝှစ် ဒီယက်ဇ်

ပြီးခဲ့တဲ့ နွေရာသီအပြောင်းအရွေ့မှာ လီဗာပူးလ်အသင်းကို ရောက်ရှိလာခဲ့တဲ့ ကစားသမားသစ်တွေဟာ သူတို့ရဲ့ စွမ်းဆောင်ရည်ကောင်းတွေကို ပြသဖို့အတွက် ရုန်ကန်နေကြရပါတယ်။ ဒီကစားသမားတွေထဲမှာဆိုရင် လီဗာပူးအသင်းဟာ ‌စျေးကြီးကြီးနဲ့ ပေးဝယ်ခဲ့ရတဲ့ အလက်ဇန္ဓား အီးဆက်နဲ့ ဖလောရီယံ ဝှစ်တို့အပါအဝင် မီလော့ ကားဂတ်နဲ့ ဖရင့်ပေါင်စတဲ့ ကစားသမားသစ် အားလုံးနီးပါးဟာ ခြေစွမ်းပြဖို့ ရုန်းကန်နေကြရတာပါ။ လီဗာပူးလ်အသင်းဟာ အပြောင်းအရွေ့မှာ ကစားသမားတွေအများအပြားဝယ်ယူခဲ့သလို အသင်းမှာ ကလော့လက်ထက်က အမာခံကစားသမားဖြစ်ခဲ့တဲ့ လူးဝှစ်ဒီယက်ကိုလည်း ဘိုင်ယန်မြူးနစ်အသင်းထံ ပေါင် ၇၅ သန်းနဲ့ ရောင်ထုတ်ပစ်ခဲ့ပါတယ်။ ဒါပေမယ့်လီဗာပူးလ်အသင်းဟာ ပြီးခဲ့တဲ့ရာသီမှာ ချန်ပီယံဖြစ်စေခဲ့ပြီး အသင်းရဲ့ အဓိကညာတောင်ပံမှာ လုပ်အားကောင်းကောင်းနဲ့ ကစားနိုင်ခဲ့တဲ့ ဒီယက်ကို ကျန်တဲ့ကစားသမားတွေနဲ့ အစားထိုးမယ်ဆိုတဲ့ စိတ်ကူးနဲ့ရောင်ထုတ်ခဲ့မိတာဟာ အခုချိန်မှာတော့ သေချာပေါက်နောင်တကြီးကြီး ရနေလောက်ပြီလည်း ဖြစ်ပါတယ်။ ဘာဖြစ်လို့လည်းဆိုတော့ လူးဝှစ်ဒီယက်ရဲ့ နေရာမှာ ကစားခဲ့တဲ့ ကိုဒီဂတ်ပိုအပါအဝင် ဖလော်ရီယန် ဝါ့ဇ် နှင့် ဟူဂိုအီကီတီကီတို့ဟာ နည်းပြ အာနေး ဆလော့တ် (Arne Slot)ရဲ့ နည်းစနစ်ထဲကို အံဝင်ကျအောင်ကစားနိုင်ဖို့ ရုန်ကန်နေကြရပြီး အချိန်ယူပြီးအထိုင်ကျရန် လိုအပ်နေကြောင်း ရှင်းရှင်းလင်းလင်းပြသထားတာဖြစ်ပါတယ်။ တစ်ချိန်တည်းမှာပဲ ဘိုင်ယန်မြူးနစ် (Bayern Munich)ကို ပြောင်းရွှေ့သွားခဲ့တဲ့ လူးဝစ် ဒိုင်ယက်ဇ် ကတော့ ဂျာမန်မြေမှာ အထူးခြေစွမ်းတွေပြသနေပြီး ဖူးကပ်စ်ဆု (Puskás Award)အတွက် ပြိုင်ဘက်ဖြစ်လာမယ့် သွင်းဂိုးတွေအပါအဝင် သွင်းဂိုးအများအပြားကိုပါ သွင်းထားနိုင်တာတွေ့ရပါတယ်။ လူးဝစ် ဒိုင်ယက်ဇ်အနေနဲ့ ဘိုင်ယန်မြူးနစ်ကို ပြောင်းရွှေ့သွားခြင်းဟာ လီဗာပူးလ်အတွက်ကတော့ အလွန်ကြီးမားတဲ့ ဆုံးရှုံးမူ့တစ်ခုဖြစ်ပြီး၊ လီဗာပူးလ် ပရိသတ်တွေကတော့ အခုချိန်မှာ "လက်လွတ်ဆုံးရှုံးလိုက်ရလေခြင်း"ဆိုပြီး စဉ်းစားမေးခွန်းထုတ်စရာ ဖြစ်စေခဲ့ပါတယ်။

နေမာသာ ဘာစီလိုနာမှာ ဆက်နေရင် ဘလွန်းဒီအော်ဆု သေချာပေါက်ရမှာပါ

ဥရုဂွေးနဲ့ဘာစီလိုနာတိုက်စစ်မှူးဟောင်း လူးဝစ် ဆွာရက်ဇ် (Luis Suárez)ဟာ ၂၀၂၃ ခုနှစ် Placar TV (YT) နဲ့ အမေးအဖြေတစ်ခုမှာ အသင်းဖော်ဖြစ်တဲ့ နေမာအနေနဲ့ ဘာစီလိုနာအသင်းကနေ ထွက်ခွာခဲ့တာနဲ့ပက်သက်ပြီး စိတ်မကောင်းဖြစ်ရပုံနဲ့ အသင်းမပြောင်းဖို့ တိုက်တွန်းခဲ့ကြောင်း မှတ်ချက်ပေးခဲ့ဖူးပါတယ်။ ဆွာရက်ဇ်က နေမာအနေနဲ့ ပဲရစ်စိန့်ဂျာမိန်အသင်း(PSG)ကို မပြောင်းရွှေ့မီ သူနဲ့ လီယွန်နယ်မက်ဆီ (Lionel Messi) တို့ နှစ်ဦးစလုံးဟာ နေမာကို ဘယ်လိုဖျောင့်ဖြ တိုက်တွန်းခဲ့ပုံကို ယခုလို ဖွင့်ဟခဲ့ဖူးပါတယ်။ "နေ (Neymar)၊ မင်း အရာရာကို အနိုင်ယူချင်ရင်၊ ငါတို့နဲ့ ဒီမှာ ဆက်နေပါ။ ဒါမှမဟုတ် အင်္ဂလန်က မန်ချက်စတာ စီးတီး (Manchester City) ကို ပြောင်းသွားပါ။ အဲဒီမှာ ဘောလုံးကအရာရာ ပိုကောင်းတယ် သူသာ ဘာစီလိုနာမှာ ဆက်နေခဲ့ရင်၊ ဘလွန်းဒီအော် (Ballon d’Or) ဆုကို သေချာပေါက်ရရှိမှာ ဖြစ်ပါတယ်" ဆိုပြီး ပြန်ပြောပြခဲ့ပါတယ်။ 💔 မဖြစ်မြောက်ခဲ့တဲ့ နေမာရဲ့ အိပ်မက် ဆွာရက်ဇ်ရဲ့ မှတ်ချက်တွေဟာ 'ဘာတွေ ဖြစ်သွားနိုင်ခဲ့မလဲ' (What could have been) ဆိုတဲ့ စဉ်းစားစရာမေးခွန်းကို ဖြစ်ပေါ်စေခဲ့ပါတယ်။ နေမာဟာ ဘာစီလိုနာမှာတောက်ပခဲ့ပြီး 2017ခုနှစ်မှာ ဘလွန်ဒီအော ဆုပေးပွဲမှာ ရော်နယ်ဒိုနဲ့ မက်ဆီတို့ရဲ့နောက် တတိယနဲ့သာ ကျေနပ်ခဲ့ရတာပါ။ အဲ့ဒီနောက်PSG အသင်းကိုရောက်ရှိသွားချိန်မှာတော့ နေမာဟာ ပြည်တွင်းဖလားတွေသာ ရရှိခဲ့ပေမယ့်လည်း သူလိုချင်ခဲ့တဲ့ ဥရောပချန်ပီယံလိဂ်ဖလားနှင့်ဘလွန်းဒီအော်ဆုတွေကိုတော့ ရယူနိုင်ခဲ့ခြင်း မရှိခဲ့တာဖြစ်ပါတယ်။ ဘာစီလိုနာအသင်းမှာ မက်ဆီ၊ ဆွာရက်ဇ်နှင့် နေမာ တို့ ပါဝင်ခဲ့တဲ့ MSN တိုက်စစ်အတွဲဟာလည်း ဘောလုံးသမိုင်းတစ်လျှောက် အကြောက်ရဆုံး တိုက်စစ်သုံးဦး ဖြစ်ခဲ့ပြီး၊ တကယ်လိုသာ ဒီသုံးဦးဆက်လက် ကစားခဲ့မယ်ဆိုရင် ဘောလုံးလောကရဲ့ သမိုင်းကြောင်းဟာလည်း လုံးဝကွဲပြားခြားနားသွားနိုင်ဖွယ် ရှိနေတာလည်းဖြစ်ပါတယ်။ PSG အသင်းကို ပြောင်းသွားခဲ့တဲ့ နေမာရဲ့ ကစားသမားဘဝဟာ တကယ်ပဲ တစ်ဆင့်နိမ့်စေခဲ့ပြီး ဥရောပအောင်မြင်မှု့အနေနဲ့ ဘာဆုဖလားတစ်လုံးမှ မရခဲ့ဘဲ တစ်ဦးချင်းအောင်မြင်မှု့တွေပါ ဆုံးရှုံးသွားခဲ့ရတာဖြစ်ပါတယ်။ နောက်တချက်အနေနဲ့ နေမာဟာ PSG မှာ ဒဏ်ရာတွေ မကြာခနရနေခဲ့ပြီး ကစားသမားဘဝကို အနိမ်းဆုံးရောက်အောင် တွန်းပို့လိုက်သလိုဖြစ်ခဲ့ ရပါတယ်။ ဒါကြောင့် ဘောလုံးလောကမှာ ကစားသမားတစ်ယောက်ရဲ့ ကံကြမ္မာနဲ့ အနာဂတ်လမ်းကြောင်းဟာ ဘယ်အချိန်၊ ဘယ်နေရာမှာ ဘယ်လိုပြောင်းလဲသွားမလဲဆိုတာ ဘယ်သူကမှ မပြောနိုင်တာဖြစ်ပါတယ်။

ရွှေဂိုး (Golden Goal) စည်းမျဉ်း ဘာကြောင့် ရပ်တန့် ပျောက်ကွယ်သွားရသလဲ?

ပြီးခဲ့တဲ့ ဥရောပချန်ပီယံရှစ်ပြိုင်ပွဲ (Euro 2024) မှ ကွာတားဖိုင်နယ်ပွဲစဉ် လေးပွဲကို ကြည့်ရှုပြီးနောက် ပွဲစဉ်တွေရဲ့ အခြေအနေဟာ အထူးအဆန်း ဖြစ်နေသည်ကို သတိထားမိခဲ့ပါတယ်။ ⏱️ အချိန်ပိုပွဲစဉ်များရဲ့ ငြီးငွေ့ဖွယ် အခြေအနေ ကွာတားဖိုင်နယ် သုံးပွဲအနက် သုံးပွဲလုံးက အချိန်ပို (Extra Time) အထိ ရောက်ရှိခဲ့ကြပါတယ်။ ထိုသုံးပွဲအနက် နှစ်ပွဲမှာ ပင်နယ်တီအဆုံးအဖြတ်အထိ သွားခဲ့ရပြီး၊ စပိန်နှင့် ဂျာမနီပွဲစဉ်၏ ၁၁၉ မိနစ် တွင် မီကဲလ် မေရီနို (Mikel Merino) ၏ အံ့မခန်း ခေါင်းတိုက်ဂိုးကြောင့်သာ သုံးပွဲလုံး ပင်နယ်တီ မဖြစ်ခဲ့ခြင်း ဖြစ်သည်။ အမှန်စင်စစ်၊ စပိန်၏ နောက်ဆုံး တစ်မိနစ်အလို အနိုင်ဂိုးမှလွဲ၍ ကွာတားဖိုင်နယ် အချိန်ပိုများတွင် လုံးဝ ဂိုးမသွင်းနိုင်ခဲ့ ကြပေ။ အင်္ဂလန်၏ နည်းဗျူဟာ: အဆိုးရွားဆုံးမှာ ဂါရတ် ဆောက်ဂိတ် (Gareth Southgate) ဦးဆောင်သည့် အင်္ဂလန် ဖြစ်ပြီး၊ ၈၀ မိနစ်တွင် ချေပဂိုး သွင်းပြီးသည်နှင့် ပင်နယ်တီကိုသာ ကစားရန် ဆုံးဖြတ်ထား ကြပုံ ရသည်။ ၎င်းတို့သည် အချိန်ပိုတွင် တိုက်စစ်ဆင်ရန် လုံးဝနီးပါး ခွင့်မပြုခဲ့ပေ။ အင်္ဂလန်နှင့် ပြင်သစ်ကဲ့သို့ အသင်းများက အချိန်ပိုတွင် နိုင်ပွဲရရန် ကြိုးစားခြင်းမရှိဘဲ ပင်နယ်တီကိုသာ မျှော်လင့်နေပုံရသောကြောင့်၊ ရွှေဂိုး (Golden Goal) စည်းမျဉ်းသည် ဘာကြောင့် ရပ်တန့်သွားရသနည်းဟု စဉ်းစားမိကာ အွန်လိုင်းမှ ပြန်လည် ရှာဖွေခဲ့မိပါသည်။ 📜 ရွှေဂိုး စည်းမျဉ်းရဲ့ သမိုင်းကြောင်းနှင့် ရည်ရွယ်ချက် အစောဆုံး အသုံးပြုမှု(၁၈၆၇ ခုနှစ်) Youdan Cup (၁၈၆၇): အင်္ဂလိပ်ဘောလုံးလောကတွင် ရွှေဂိုးစည်းမျဉ်းကို ပထမဆုံးအကြိမ် အသုံးပြုခဲ့သည်မှာ လွန်ခဲ့သော နှစ်ပေါင်း ၁၅၀ ကျော်က ဖြစ်သည်။ စည်းမျဉ်း: ၁၈၆၇ ခုနှစ် Youdan Cup (FA Cup မပေါ်မီ ၄ နှစ်) တွင် ပွဲချိန် မိနစ် ၉၀ ၌ သရေဖြစ်ပါက နောက်ထပ် နာရီဝက် (တစ်နာရီ) အချိန်ပို ကစားရမည်။ ထိုအချိန်အတွင်း မည်သည့်အသင်းကမဆို ဂိုးသွင်းလျှင် ပွဲချက်ချင်းပြီးဆုံးပြီး အနိုင်ရမည်။ ပထမဆုံး ရွှေဂိုး: ၁၈၆၇ ခုနှစ် ဖေဖော်ဝါရီ ၂၃ ရက်နေ့တွင် Norfolk FC နှင့် Broomhall FC တို့ ပွဲကစားခဲ့ရာ အချိန်ပို ၂ မိနစ် အကြာတွင် Norfolk FC က ဂိုးသွင်းပြီး အနိုင်ရခဲ့သည်။ ဖီဖာမှ ပြန်လည်မိတ်ဆက်ခြင်း (၁၉၉၃ ခုနှစ်) ရည်ရွယ်ချက်: ၁၉၉၃ ခုနှစ်တွင် ဖီဖာ (FIFA) သည် အချိန်ပိုအတွင်း အသင်းများက တိုက်စစ် မဆင်ဘဲ ပင်နယ်တီအထိသာ စောင့်ဆိုင်းကစားနေခြင်းကို လျှော့ချရန်အတွက် ရွှေဂိုး စည်းမျဉ်းကို ပြန်လည် မိတ်ဆက်ခဲ့သည်။ စည်းမျဉ်း: အချိန်ပိုအတွင်း မည်သည့်အသင်းကမဆို ပထမဆုံး ဂိုးသွင်းယူနိုင်ပါက ၎င်းအသင်း ချက်ချင်း အနိုင်ရကာ ပွဲပြီးဆုံးမည် ဖြစ်သည်။ ပထမဆုံး အဓိကပြိုင်ပွဲ: ၁၉၉၆ ခုနှစ် ယူရိုပြိုင်ပွဲ (Euro '96) တွင် စတင် အသုံးပြုခဲ့သည်။ ဝင်ဘလေကွင်း (Wembley) ၌ ကျင်းပသည့် ဗိုလ်လုပွဲတွင် ဂျာမနီအသင်းသည် အချိန်ပို ၅ မိနစ်အကြာတွင် အိုလီဗာ ဘီယားဟော့ဖ် (Oliver Bierhoff) ၏ ရွှေဂိုးဖြင့် ချက်ရီပက်ဘလစ်ကို ချက်ချင်း အနိုင်ယူကာ ချန်ပီယံ ဖြစ်ခဲ့သည်။ ရွှေဂိုးစည်းမျဥ်းကို ၁၉၉၈ ကမ္ဘာ့ဖလား တွင်လည်း အသုံးပြုခဲ့သည်။ ၂၀၀၀ ယူရိုဗိုလ်လုပွဲ တွင် ပြင်သစ်အသင်းသည် အီတလီကို ဒေးဗစ် ထရီဇီဂေး (David Trezeguet) ၏ ရွှေဂိုးဖြင့် အနိုင်ရခဲ့သည်။ ❌ ရွှေဂိုး ရပ်တန့်သွားရသည့် အကြောင်းရင်း ရွှေဂိုးစည်းမျဉ်းသည် ၁၉၉၆ နှင့် ၂၀၀၀ ခုနှစ် ယူရိုဗိုလ်လုပွဲများကဲ့သို့ စိတ်လှုပ်ရှားဖွယ်ရာ အဆုံးသတ်များ ပေးခဲ့သော်လည်း၊ ၎င်းကို အသုံးပြုခဲ့သည့် နောက်ဆုံး ယူရိုဗိုလ်လုပွဲ မှာ ၂၀၀၀ ပြည့်နှစ် ဖြစ်ပြီး၊ ၂၀၀၂ ကမ္ဘာ့ဖလား သည် ဤစည်းမျဉ်းကို အသုံးပြုသည့် နောက်ဆုံး အဓိက ပြိုင်ပွဲ ဖြစ်ခဲ့သည်။ ဆန့်ကျင်ဘက် ရလဒ် ထွက်ပေါ်လာခြင်း ရွှေဂိုးကို တိုက်စစ်ဆင်မှုကို အားပေးရန် ပြန်လည် မိတ်ဆက်ခဲ့သော်လည်း၊ လက်တွေ့တွင် ဆန့်ကျင်ဘက် အကျိုးသက်ရောက်မှု (opposite effect) သာ ဖြစ်ပေါ်ခဲ့သည်ကို တွေ့ရှိခဲ့ရသည်။ ပိုမို ကစားရဲခြင်းမရှိ: အသင်းများသည် ရွှေဂိုး ပေးလိုက်ရမည်ကို အလွန်အမင်း စိုးရိမ်ခဲ့ ကြသည်။ ခံစစ်ကို ပိုမိုကစားလာခြင်း : တန်ပြန်တိုက်စစ်ကြောင့် ရှုံးနိမ့်ရမည်ကို ကြောက်သောကြောင့် တိုက်စစ်ဆင်ကစားခြင်းကို ရှောင်ကြဉ်ပြီး ပို၍ပင် ခံစစ် ကစားလာ ကြသည်။ ကြောက်ရွံ့မှု ကြီးစိုးခြင်း: ဂိုးသွင်းယူနိုင်ရန် မျှော်လင့်ချက်ထက်၊ ဂိုးပေးလိုက်ရမည်ကို ကြောက်ရွံ့ခြင်း က ပိုမို ကြီးစိုးလာခဲ့သည်။ ဒီလိုအကြောင်းကြောင့် ဖီဖာသည် ၂၀၀၄ ခုနှစ်တွင် ရွှေဂိုးစည်းမျဉ်းကို ရပ်ဆိုင်းခဲ့ပြီး၊ ထိုအစား ငွေဂိုး (Silver Goal) စည်းမျဉ်းကို ခဏတာ အသုံးပြုခဲ့သော်လည်း ၎င်းကိုလည်း ၂၀၀၄ ယူရိုပြိုင်ပွဲအပြီးတွင် ဖျက်သိမ်းခဲ့ကာ ပုံမှန် ၁၅ မိနစ် နှစ်ပိုင်းပါဝင်သော အချိန်ပို စည်းမျဉ်းကိုသာ ပြန်လည် အသုံးပြုခဲ့သည်။ 💡 အခြား စိတ်ဝင်စားဖွယ် ဖြေရှင်းနည်းများ လက်ရှိ ပင်နယ်တီဖြင့် အဆုံးသတ်ရခြင်းသည် မကျေနပ်စရာ ကောင်းသော်လည်း၊ အခြား စိတ်ကူးများလည်း ထွက်ပေါ်ခဲ့ဖူးသည်- ကစားသမား လျှော့ချသည့် စည်းမျဉ်း: အချိန်ပိုတွင် ၁၀ မိနစ်တိုင်း ကစားသမား တစ်ဦးစီ ထုတ် ပစ်ကာ ၁၀ vs ၁၀၊ ၉ vs ၉၊ ၈ vs ၈ စသည်ဖြင့် ကစားသမား အရေအတွက် လျှော့ချပြီး အနိုင်ဂိုးရသည်အထိ ကစားစေခြင်း ဖြစ်သည်။ ရပ်တန့်ရခြင်း: ဤစိတ်ကူးသည် ကစားသမားများ သုံးနာရီကြာ ကစားပြီးနောက် ၄ vs ၄ ကစားရခြင်းသည် ကျန်းမာရေးနှင့် ဘေးကင်းရေးအရ အန္တရာယ်များလွန်းသည် (Health and Safety) ဟု ယူဆသောကြောင့် လက်ခံခဲ့ခြင်း မရှိပေ။ မည်သို့ပင်ဆိုစေကာမူ ရွှေဂိုး စည်းမျဉ်းသည် ပြိုင်ပွဲများကို ပိုမို ငြီးငွေ့ဖွယ် ဖြစ်စေခဲ့သည်ဟူသော တွေ့ရှိချက်ကြောင့် ကမ္ဘာ့အဓိကပြိုင်ပွဲကြီးများမှ လုံးဝ ပျောက်ကွယ်သွားခဲ့ရခြင်း ဖြစ်ပါသည်။

အနားယူမယ့်အချိန် ယူနိုက်တက်နဲ့ အာဆင်နယ်အသင်းတို့အပေါ်မှတ်ချက်တွေနဲ့ ရော်နယ်ဒိုရဲ့ ပြောစကားများ

ကမ္ဘာကျော် စူပါစတား ခရစ်တီယာနို ရော်နယ်ဒို (Cristiano Ronaldo)ဟာ Piers Uncensored အစီအစဉ်မှာ ပီယက်စ် မော်ဂန် (Piers Morgan) နှင့် တွေ့ဆုံမေးမြန်းမှု့တွေပြုလုပ်ခဲ့ပြီး သူ့ရဲ့အသင်းဟောင်း မန်ယူနိုက်တက်အပေါ် ဝေဖန်မှုတွေ၊ အာဆင်နယ်အပေါ် သူ့ရဲ့ အမြင်နဲ့ အနားယူမည့် အစီအစဉ်တွေ အကြောင်းကို ပွင့်ပွင့်လင်းလင်း ပြောကြားခဲ့ပါတယ်။ 🔴 အာဆင်နယ်ကို ပြောင်းရွှေ့လုနီးပါးနှင့် ချီးကျူးစကား ရော်နယ်ဒိုဟာ သူ့ရဲ့ ကစားသမားဘဝ အစောပိုင်းမှာ အာဆင်နယ်အသင်းကို ပြောင်းရွှေ့ရန် နီးစပ်ခဲ့ဖူးကြောင်း အတည်ပြုခဲ့ပြီး လက်ရှိ အာဆင်နယ်အသင်းကိုလည်း ချီးကျူးသွားခဲ့ပါတယ်။ "ဒါက အမှန်တရား ပါ။ လွန်ခဲ့တဲ့ နှစ်ပေါင်းများစွာက ကျွန်တော် အာဆင်နယ်ကို ပြောင်းဖို့ နီးစပ်ခဲ့တယ်... ဒါပေမဲ့ ဒါက အတိတ်ပါပဲ ရိုးရိုးသားသား ပြောရရင်၊ ကျွန်တော် အာဆင်နယ်ကို ကြည့်တဲ့အခါ ပြိုင်ဘက်တစ်သင်းလို မမြင်ဘဲ အမြဲ ကြည့်ပါတယ်။ ကျွန်တော် အသင်းကို ကြိုက်တယ်၊ သူတို့ကို သဘောကျပါတယ်!" "အာဆင်နယ်ဟာ ဒီရာသီ ပရီးမီးယားလိဂ်ကို အနိုင်ယူနိုင်ပါတယ်။ သူတို့ဟာ အရမ်း ကောင်းတဲ့ အသင်း တစ်သင်းပါ ပရီးမီးယားလိဂ်မှာ ဘာဖြစ်လာမလဲဆိုတာ ဘယ်သူမှ မသိနိုင်ဘူး... ဒါဟာ အရမ်း ခက်ခဲတဲ့ လိဂ်တစ်ခုပါပဲ၊ ဒါပေမဲ့ အာဆင်နယ်အတွက်တော့ ဖြစ်နိုင်ချေရှိပါတယ်" ⚫️ မန်ယူနိုက်တက်ရဲ့ အခြေအနေနှင့်လိုအပ်ချက်တွေအပေါ် သုံးသပ်ချက် ရော်နယ်ဒိုဟာ သူ့ရဲ့ ချစ်မြတ်နိုးရတဲ့ အသင်းဟောင်း မန်ချက်စတာ ယူနိုက်တက်အသင်းရဲ့ လက်ရှိ အခြေအနေကို သုံးသပ်ဝေဖန်ခဲ့ပါတယ်။ "မန်ချက်စတာ ယူနိုက်တက်က ဒီရာသီ ပရီးမီးယားလိဂ်ကို အနိုင်ရမှာ မဟုတ်ဘူး သူတို့က ရမှတ်အားဖြင့် အရမ်းကို နောက်ကျနေပါပြီ မန်ယူကို ဒီလို မြင်နေရတာ ကျွန်တော် ဝမ်းနည်းပါတယ်။ အကြောင်းအမျိုးမျိုးကြောင့် အမြဲတမ်း ကျွန်တော့်နှလုံးသားထဲမှာ ရှိနေတဲ့ ကလပ်တစ်ခု၊ ကမ္ဘာ့အကောင်းဆုံး ကလပ်တွေထဲက တစ်ခုပါ" 👔 ဖွဲ့စည်းပုံနှင့် စီမံခန့်ခွဲမှု လိုအပ်ချက် (သူ့ရဲ့အမြင် ) "သူတို့ လွန်ခဲ့တဲ့ နှစ်ပေါင်းများစွာက လုပ်ခဲ့သလိုမျိုး ကလပ်ကို စီမံခန့်ခွဲဖို့နဲ့ အနာဂတ်ကို ဖန်တီးဖို့အတွက် စမတ်ကျတဲ့၊ ကောင်းမွန်တဲ့ လူတွေ လိုအပ်ပါတယ် မန်ယူနိုက်တက်မှာ အခုချိန်မှာ ဖွဲ့စည်းပုံ (Structure) မရှိဘူး။ ဒါဟာ ကမ္ဘာ့အကောင်းဆုံး ကလပ်တွေထဲက တစ်ခုဖြစ်နေတုန်းပဲ ဖြစ်တဲ့အတွက် ပြောင်းလဲသွားဖို့ မျှော်လင့်ပါတယ်" "သူတို့ ပြောင်းလဲဖို့ လိုတယ်။ ဒါဟာ နည်းပြ/ကစားသမားတွေနဲ့သာ သက်ဆိုင်တာ မဟုတ်ဘူး၊ ဒါက ကျွန်တော့်အမြင်ပါပဲ" ⚽️ နည်းပြ အာမိုရိမ်နှင့်ကစားသမားတွေအပေါ် သုံးသပ်ချက် "ရူဘန် အာမိုရိမ် (Rúben Amorim) က သူ့ရဲ့ အကောင်းဆုံးကို လုပ်နေတာပဲ။ သူ ဘာလုပ်သင့်လဲ။ cud တွေ လုပ်ရမှာလား အံ့ cud တွေက ဖာတီမာမှာပဲ ရှိပါတယ် (ပေါ်တူဂီမှ ဘာသာရေး အမှတ်အသား ဥပမာပေးခြင်း)" "ကစားသမားတွေက ကောင်းပါတယ်၊ ဒါပေမဲ့ တချို့က မန်ချက်စတာ ယူနိုက်တက်ဆိုတာ ဘာလဲ ဆိုတာကို သူတို့ရဲ့ စိတ်ထဲမှာ မထားကြဘူး" 👋 အနားယူမည့် အစီအစဉ်နှင့် ကမ္ဘာ့ဖလားအပေါ် အမြင် ရော်နယ်ဒိုဟာ ကစားသမားဘဝ အနားယူမည့် အစီအစဉ်တွေနှင့်ပတ်သက်ပြီလည်း ပွင့်ပွင့်လင်းလင်း ပြောကြားခဲ့ပါတယ်။ "ဟုတ်ပါတယ်၊ ကျွန်တော့်ရဲ့ အနားယူခြင်းကို ကျွန်တော် မြင်ယောင်ကြည့်နိုင်ပါတယ် ဒါဟာ မကြာခင် ဖြစ်လာပါလိမ့်မယ် ဒါပေမဲ့ ကျွန်တော် ပြင်ဆင်ထားမှာပါ... ခက်ခဲပါလိမ့်မယ်၊ ကျွန်တော် သေချာပေါက် ငိုမိမှာပါ! ကျွန်တော် ပြင်ဆင်ထားမယ်လို့ ထင်ပါတယ်... အရာရာတိုင်းမှာ အဆုံးသတ် ရှိတာပဲ၊ ဒါကြောင့် တခြားအရာတွေအတွက် အချိန်ပို ရလာမှာပါ" "ကမ္ဘာ့ဖလားကို အနိုင်ရတာက ကျွန်တော့်အတွက် အိပ်မက် မဟုတ်ပါဘူး။ ဘာကို သတ်မှတ်ဖို့လဲ သမိုင်းမှာ အကောင်းဆုံးတွေထဲက တစ်ဦးဖြစ်တယ်ဆိုတာ သတ်မှတ်ဖို့လား။ ၆ ပွဲ သို့မဟုတ် ၇ ပွဲပါတဲ့ ပြိုင်ပွဲတစ်ခုကို အနိုင်ရဖို့လား ဒါက မျှတတယ်လို့ ခင်ဗျား ထင်ပါသလား" ရော်နယ်ဒိုရဲ့ ယခုလိုအင်တာဗျူးဟာ သူ့ရဲ့ အနာဂတ်နှင့် ဘောလုံးလောကအပေါ် အမြင်တွေကို ဖော်ပြခဲ့ပြီး၊ မန်ယူနိုက်တက်အသင်းနှင့် ပတ်သက်ပြီးလည်း ပြန်လည် တည်ဆောက်ရန် လိုအပ်ကြောင်းကိုပါ ထောက်ပြခဲ့တာဖြစ်ပါတယ်။